Беларусі стане прасцей вяртаць культурныя каштоўнасці

7-8 жніўня ў індыйскім Бхапале прайшла XI сустрэча міністраў культуры краін-удзельніц БРІКС, якая аб'яднала кіраўнікоў галіны з дзяржаў-членаў і партнёраў гэтай міжнароднай арганізацыі. Беларусь прадстаўляў намеснік міністра культуры Сяргей Саракач. Дзелавая праграма дазволіла абмяняцца меркаваннямі па пытаннях, якія ўяўляюць узаемную цікавасць, а таксама нацыянальным вопытам у сферы культуры, прыярытэтамі і поглядамі на пэўныя тэмы супрацоўніцтва. Аб гэтым паведамілі ў Міністэрстве культуры, перадае БЕЛТА.

Дыскусіі ахоплівалі розныя пытанні, у тым ліку рэстытуцыі культурных каштоўнасцей і аховы культурнай спадчыны.

Сустрэча завяршылася прыняццем дэкларацыі, у якой бакі дамовіліся аб развіцці супрацоўніцтва ў згаданых сферах.

Фота БЕЛТА, тэлеграм-канала Міністэрства культуры Рэспублікі Беларусь.