Астрожскі Аляксандр (1650–1673) / Острожский Александр (1650–1673)

Адлюстраваны ў рост на фоне адкінутай драпіроўкі, каля стала, пакрытага зялёнай тканінай, ляжыць карычневы капялюш з залацістаю стужкай. Магнат паказаны ў цёмным парыку, апрануты ў карычневы распашны кафтан з жоўтымі гузікамі, пышныя рукавы белай кашулі і карункавае жабо аздоблены зялёнымі і чырвонымі стужкамі. Нагавіцы і панчохі – у колер кафтана, чаравікі – жоўтыя. Падлога – плітачная. Злева на фоне краявіда – выява слугі ў чырвоным жупане, які трымае каня за аброць

Замак князёў Радзівілаў у Нясвіжы. Да 1939 г. знаходзіўся ў замку ў Нясвіжы, потым у Дзяржаўнай карціннай галерэі БССР (ДКГ), у 1941 г. вывезены ў Германію, паступіў у 1948 г. у Беларускі дзяржаўны музей гісторыі Вялікай Айчыннай вайны, передадзены ў Дзяржаўны музей БССР, паступіў у Дзяржаўны мастацкі музей БССР у 1968 г. (акт ад 26.07.1976 №146а ад Дзяржаўнага музея БССР праз Міністэрства культуры БССР). Інфармацыя прадастаўлена ўстановай “Нацыянальны мастацкі музей Рэспублікі Беларусь”(2023 г.).