Марыя Казіміра дэ Лагранж д’Арк’ен (1641–1716) з 1665 г. жонка Яна Сабескага, караля польскага і вялікага князя літоўскага (1674–1696) / Мария Казимира де Лагранж д’Аркьен (1641–1716) с 1665 жена Яна Собеского, короля польского и великого князя литовского

На цёмным фоне – паясная выява дамы ў развароце ўлева, заключаная ў авал. Валасы цёмныя да плечаў, прычоска ўпрыгожана эгрэтай з каштоўнымі камянямі. Завушніцы і бусы – жамчужныя. Сукенка чырвоная, расшытая ўзорам з залацістых кветак, дэкальтэ ўпрыгожана карункамі, перлінамі. На карсажы – дзве круглыя брошкі. Плашч з карычнева-залацістай тканіны падшыты футрам гарнастая. Злева – выява кароны

Інфармацыя адсутнічае. Перададзены Дырэкцыяй мастацкіх выставак і панарам (Масква) у Дзяржаўны мастацкі музей БССР у 1957 г. (акт № 117 ад 21.08.1957 ад Дырэкцыі мастацкіх выставак і панарам (Масква) у парадку вяртання даваенных фондаў Дзяржаўнай карціннай галерэі БССР). Выява твора будзе апублікавана пры атрыманні дазвола музея выставіць яе ў публічны доступ. _**Інфармацыя прадастаўлена ўстановай “Нацыянальны мастацкі музей Рэспублікі Беларусь”(2023 г.).**_