Новы Запавет з Псалтыром

Экзэмпляр дастаткова добра захаваны, аднак ёсць страты - адсутнічаюць першыя старонкі і пярэдняя вокладка. З гравюр, змешчаных у выданні, маюцца тры - з выявамі апосталаў Іаана, Марка і Лукі.

Кніга “Новы запавет з Псалтыром” выдадзена ў 1652 г. у Багаяўленскай друкарні Куцеінскага манастыра, якая была заснавана магілёўскім першадрукаром Спірыдонам Собалем у 1630 г. Выданне знаходзілася ў прыватнага калекцыянера ў г. Маскве, Расійская Федэрацыя, набыта музеем гісторыі Магілёва ў 2016 г. Інфармацыя прадастаўлена музеем гісторыі Магілёва (2020 г.)