Панятоўскі Станіслаў Аўгуст (1732–1798)/ Понятовский Станислав Август (1732–1798)

Прадстаўлены ў рост, у інтэр’еры. На другім плане – драпіроўка, краявід, пара калон. Кароль апрануты ў сіні мундзір з эпалетамі, блакітнай стужкай ордэна Белага Арла, у металічнай кірасе, падпаясаны тканым серабрыстым поясам. Нагавіцы – белыя, боты высокія, чорныя з карычневым верхам. У левай руцэ – палкоўнікава булава, правай указвае на стол, дзе на блакітнай падушцы ляжаць карона, княжацкая мітра, скіпетр і дзяржава. Падлога – з белых і чорных плітак

Замак князёў Радзівілаў у Нясвіжы. Да 1939 г. знаходзіўся ў замку ў Нясвіжы, потым у Дзяржаўнай карціннай галерэі БССР (ДКГ), у 1941 г. вывезены ў Германію, паступіў у 1948 г. у Беларускі дзяржаўны музей гісторыі Вялікай Айчыннай вайны, передадзены ў Дзяржаўны музей БССР, паступіў у Дзяржаўны мастацкі музей БССР у 1976 г. (акт ад 26.08.1976 № 146а ад Дзяржаўнага музея БССР праз Міністэрства культуры БССР). Інфармацыя прадастаўлена ўстановай “Нацыянальны мастацкі музей Рэспублікі Беларусь”(2023 г.).