Партрэт Паўла I

Паходжанне - Расійская імперыя (?) Паясная выява мужчыны ў тры чвэрці налева, у зялёным камзоле з чырвоным каўняром з залатым ланцугом з ордэнам і блакітнай андрэеўскай стужкай, дзвюма ордэнскімі зоркамі і двума крыжамі. На галаве напудраны парык.

Твор быў вывезены ў Германію ў перыяд Другой Сусветнай вайны. Вернуты ў Беларусь у 1957 г. з Дырэкцыі мастацкіх выставак і панарам (г. Масква). Раней – у 1933–1939 гг. – у зборы Беларускага Дзяржаўнага музея (г. Мінск) (інв. № 9069/4, пры пераінвентарызацыі 1934 г. – інв. № 2075, у Беларускі Дзяржаўны музей паступіў з Дзяржаўнага Рускага музея (інв. № невядомы) (г. Ленінград).