Радзівіл Януш XI (1612–1655) / Радзивилл Януш XI (1612–1655)

Адлюстраваны ў рост на цёмным фоне, каля стала, пакрытага шэрай тканінай, ляжаць княжацкая карона і гетманская булава. Апрануты ў ружовы жупан з жоўтымі гузікамі на грудзях, перавязаны тканым поясам таго ж колеру. На плячах – чырвоная дэлія, падшытая чорным футрам з металічнымі зашпількамі. Боты жоўтыя, на абцасах. Галава амаль цалкам аголеная, вусы доўгія. Правай рукой указвае на верхнюю частку даспеха – кірасу, левая – на поясе

Замак князёў Радзівілаў у Нясвіжы. Да 1939 г. знаходзіўся ў замку ў Нясвіжы, потым у Дзяржаўнай карціннай галерэі БССР (ДКГ), у 1941 г. вывезены ў Германію, вернуты ў 1948 г. у Беларускі дзяржаўны музей гісторыі Вялікай Айчыннай вайны, перададзены ў Дзяржаўны музей БССР, вернуты ў Дзяржаўны мастацкі музей БССР у 1976 г. (Акт ад 26.08.1976 № 146а ад Дзяржаўнага музея БССР праз Міністэрства культуры БССР) _Інфармацыя прадастаўлена ўстановай “Нацыянальны мастацкі музей Рэспублікі Беларусь”(2023 г.)_