Стары Нясвіж

На графічным малюнку прадстаўлены від з ратушнай плошчы на касцёл Божага Цела праз вуліцу Віленскую. Побач з касцёлам бачым будынак плябаніі і дах замкавай вежы. На вуліцы размешчаны адна- і двухпавярховыя будынкі, перад якімі рад дрэў. На ўваходзе ў двухпавярховы будынак стаяць чатыры чалавекі. Малюнак зроблены ў летні сонечны дзень. На адваротным баку надпіс: "Стары Нясвіж. п. туш, пяро, 1945".

Графічны малюнак “Стары Нясвіж" быщ напісаны ў 1945 г. у г. Нясвіжы. Графічная работа "Стары Нясвіж" да 1979 г. знаходзілася ў кватэры майстра і была перавезена з г. Нясвіж у г. Масква пляменнікам М.К. Сеўрука Якубоўскім Мікалаем Канстанцінавічам пасля смерці мастака (14.03.1979). Работа вернута ў Нясвіж у маі 2024 г. унукам мастака Якубоўскім Мікалаем Мікалаевічам, які падараваў яе Нацыянальнаму гісторыка-культурнаму музею-запаведніку “Нясвіж”. Iнфармацыя прадастаўлена дзяржаўнай ўстановай “Нацыянальны гісторыка-культурны музей-запаведнік “Нясвіж”.