Выкрыццё Адысея / Разоблачение Одиссея

Злева, на цёмным фоне, на чырвонай драпіроўцы сядзіць напаўаголены мужчына з каронай на галаве, за ім – мужчынская галава ў кароне і тулава напаўаголенага юнака; справа на фоне блакітнага неба з аблокамі ўкленчаны мужчына з белай драпіроўкай на правай руцэ і блакітнай на сцёгнах, які трымае на светлым пакрывале аголенае немаўля.

Італія, Венецыя. Твор быў вывезены ў Германію ў перыяд Другой сусветнай вайны. Вернуты на Беларусь у 1948 г. з Цэнтральнага сховішча музейных фондаў прыгарадных палацаў (г. Пушкін) (інв. № 5503-1-231). У музей паступіў у 1960 г. з Беларускага дзяржаўнага музея Вялікай Айчыннай вайны (інв. № 15328) (г. Мінск). Раней – да 1941 г. – у зборы Дзяржаўнай карціннай галерэі БССР (інв. № Ж-1868) (г. Мінск); раней – калекцыя А. Какуляра (г. Варшава) (?). Інфармацыя прадастаўлена ўстановай “Нацыянальны мастацкі музей Рэспублікі Беларусь”(2023 г.).