Комплекс планаў Гродна і Старога замка ў Гродне

Планы горада Гродна апошніх гадоў існавання Рэчы Паспалітай і першых гадоў пасля ўваходжання Беларусі ў склад Расійскай Імперыі. Планы паверхаў гродзенскага Старога замка 1830-х – 1890-х гг., якія складаліся ў працэсе падрыхтоўкі праектаў рэканструкцыі замка. Уяўляюць каштоўнасць для аднаўленчых работ на Старым замку

Ствараліся гродзенскімі картографамі ў канцы XVIII ст. а таксама ваеннымі інжынерамі Расійскай імператарскай арміі на працягу ХІХ ст. Электронныя копіі атрыманы ў 2021 г. Гродзенскім дзяржаўным гісторыка-археалагічным музеем без права публікацыі. Інфармацыя прадастаўлена ўстановай культуры «Гродзенскі дзяржаўны гісторыка-археалагічны музей» (2023 г.)