Працэсія гімназістак выяўлена на фоне Старажоўскіх могілак, непадалёк ад дома, дзе жыў мастак у Мінску па вуліцы Аляксандраўскай. Магчыма, гэта падзея звязана з трагедыяй гімназісткі Веры Холмскай (З. В. Шибеко, С. Ф. Шибеко. Минск. Страницы жизни дореволюционного города. Мн., 1990. С. 330; З Беларуси и Литвы // Наша Нива. 1908. № 8. 11/24 марта. С. 7. /Факсімільнае выданне “Наша Ніва. Першая беларуская газета з рысункамі. Выпуск 1. 1906–1908 гг.”. Мн., 1992/). Пераважна рэалістычны твор узбагачаны рысамі сімвалізму. На адвароце палатна вышэй сярэдзіны белым: Альперович.

Гэта жанравая кампазіцыя, відавочна, намалявана аўтарам у Мінску, пасля вяртання з паездкі ў Еўропу (у прыватнасці, Германію). Раней твор знаходзіўся ў сям’і мастака; відавочна, экспанаваўся на персанальнай выставе Л. Альпяровіча 1939 года ў Мінску, пасля чаго трапіў у музей. Быў вывезены з Мінска, відавочна, у 1944 годзе. Паступiў у Дзяржаўны мастацкі музей БССР у 1960 годзе з Беларускага дзяржаўнага музея гісторыі Вялікай Айчыннай вайны, куды быў вернуты з Германіі (№1362 па вопісе вернутых твораў, складзеным у 1947—1948). “Акт и опись музейных экспонатов, возвращенных в БССР из Германии” захоўваецца ў Нацыянальным архіве РБ: фонд 790, вопіс 1, справа 69. Акт № 30 ад 29.7.1960 аб прыёме на пастаяннае захаванне. Iфармацыя прадастаўлена ўстановай “Нацыянальны мастацкі музей Рэспублікі Беларусь”(2024 г.)

Знаходжанне ў Беларускім дзяржаўным сацыяльна-гістарычным музеі Распоряжение Министерства культуры БССР от 19.05.1960 №73-р