Слуцкая брама

Эскіз "Слуцкая брама" у Нясвіжы з боку горада. Брама 1760 года збудавання ўяўляе сабой двухпавярховы прамавугольны на плане будынак з арачным праездам па цэнтры, сцены ўмацаваны контрфорсамі. На другім паверсе вялікі аконны праём з балконам. Франтон увенчаны манаграмай Дзевы Марыі на металічным шпілі. Эскіз абмежаваны контурамі аблокаў у версе і абрысамі бруку ўнізе.

Графічны эскіз “Слуцкая брама” была напісана ў 1940-я гг. у г. Нясвіжы. Графічная работа да 1988 г. знаходзілася ў кватэры майстра і была перавезена з г. Нясвіж у г. Масква пляменнікам М.К. Сеўрука Якубоўскім Мікалаем Канстанцінавічам пасля смерці жонкі мастака Раісы Сямёнаўны Сеўрук (1988). Работа вернута ў Нясвіж у маі 2024 г. унукам мастака Якубоўскім Мікалаем Мікалаевічам, які падараваў яе Нацыянальнаму гісторыка-культурнаму музею-запаведніку “Нясвіж”. Iнфармацыя прадастаўлена дзяржаўнай ўстановай “Нацыянальны гісторыка-культурны музей-запаведнік “Нясвіж”.