Сярод ялін

Пейзаж "Сярод ялін" адлюстроўвае лясны гушчар сярод высокіх елак у летні час. Аўтар выкарыстоўвае шырокую каляровую палітру, каб перадаць атмасферу цішыні, свежасці, вільгаці, цемры. На адваротным баку надпіс: "Сярод ялін 1951 49 х 34 М. Сеўрук"

Эцюд напісаны ў 1951 г. у г. Нясвіж. Эцюд да 1988 г. знаходзіўся ў кватэры майстра і быў перавезены з г. Нясвіж у г. Масква пляменнікам М.К. Сеўрука Якубоўскім Мікалаем Канстанцінавічам пасля смерці жонкі мастака Раісы Сямёнаўны Сеўрук (1988). Работа вернута ў Нясвіж у маі 2024 г. унукам мастака Якубоўскім Мікалаем Мікалаевічам, які падараваў яе Нацыянальнаму гісторыка-культурнаму музею-запаведніку “Нясвіж”. Iнфармацыя прадастаўлена дзяржаўнай ўстановай “Нацыянальны гісторыка-культурны музей-запаведнік “Нясвіж”.